monumenta.ch > Plinius > sectio 26
Word Selection for Searching
Report an Error in this Sectio
Plinius, Naturalis Historia, 13, 26
{VI} Cetero terrarum omnium Aegyptus accommodatissima unguentis, ab ea Campania est copia rosae. Iudaea vero incluta est vel magis palmis, quarum natura nunc dicetur. sunt quidem et in Europa vulgoque Italia, sed steriles. ferunt in maritimis Hispaniae fructum, verum inmitem; dulcem in Africa, sed statim evanescentem.